Yawa gas! As fiance catch him babe with dem lecturer for hostel

Yawa gas! As fiance catch him babe with dem lecturer for hostel

Yawa don gas as one lecturer for Ibrahim Badamosi Babangida University, Lapai, Niger State, wey him name na Isiaq Yusuf, but people dey hail am as I.G. Yusuf, dey naked inside one of the students room.

Na the fiance of the girl wey I.G yusuf wan sleep with and him friends catch am wey e don comot cloth for better don dey ready to do marathon. As dem catch am, dem com tell am make him mop the parlor, wash the toilet join as the boys dem dey snap him naked photo.

As the matter dey go, the I.G yusuf wey dey for English Department talk am say, him don knack the girl before make she take pass English 201 wey dem dey call History of English Language in Nigeria.

Ontop this matter, I.G Yusuf still fail the girl badly, wey she come decide to tell her fiance about the matter. Na the fiance come plan the thing wey dem kon take catch I.G yusuf.

The Chairman of the university’s Servicom Unit, wey dey see to complaints for the school, Dr Ebenezer Ogungbe, don yarn say na ontop Social media him take know about the matter, e kon add am say dem go take action ontop the matter soon.

But, I.G Yusuf don talk him own side of the tori say, him no dey take 400 level any course at all. He say na one lecturer tell am make e come assist am for the exam wey e carry give them.

He talk say as them dey write exam, one guy sit down for the girl front (wey dem say him wan sleep with), say the guy come dey show the girl the answer paper, na so him come warn the boy, and the boy sef just shine teeth comot face.

I.G Yusuf com talk say as the boy submit, him come write ‘Found Cheating’ ontop the boy paper kon tear am.

When the exam finish, the girl come dey call I.G Yusuf for phone say make dem see maybe he fit consider make the guy re-write the exam and him come tell am say make dem see the next day.

Na so I.G Yusuf say as him dey drive dey go one day, na so the girl stop am for her junction, enter him car, as the girl enter some guys dem come follow enter for back. I.G Yusuf say dem put iron for him back say make him dey drive dey go as him kon drive go the girl house.

For the girl house, I.G Yusuf say dem pour am water, still come tell am to off him clothes. He say dem demand ransom money wey worth N2Million for him hand.


Previous 'I dey feel nna suffering, abeg' Akeredolu yarns Ondo workers
Next Cobhams Asuquo don Release Tracklist For inm Forthcoming Album

About author

Jhayke Adesanya
Jhayke Adesanya 4082 posts

A very dope dude. Fun to be with, Loves entertainment,... and.. oh, he is actually a music producer too. when you tell him he works hard, he will say "no, i only work smart!"

You might also like

JAC NEWS 0 Comments

“Get ready to see President Buhari any moment from today” – Garba Shehu

The Presidency has alerted Nigerians on the possible return of President Muhammadu Buhari from London anytime soon as he is no longer “enjoying his stay’’ outside the country. The Senior

JAC NEWS 0 Comments

My husband wey get low sperm counts, don get three pikin with another woman

Kafilat Olapade, don go Agege Customary Court, Lagos to go separate her 20-year-old marriage wey no get pikin ontop say her husband get low sperm counts. Thirty-seven-year-old Kafilat, wey also

JAC NEWS 0 Comments

In Lagos: Customs intercept 661 pump-action rifles

The Federal Operations Unit of the Nigeria Customs Service on Monday has intercepted a truck along the Mile 2 Apapa Road. The Mack truck was said to contain 49 boxes of


No Comments Yet!

You can be first to comment this post!

Leave a Reply