‘Who be sheriff sef wey dem suppose push for one side’– House Minority Leader
House Minority Leader, Mr Leo Ogor, don yarn am say those people wey dey support Sen. Modu Sheriff as the chairman for dem People’s Democratic Party, PDP, na nothing but ordinary noise makers.
Ogor yarn this ontop matter wey dem reps take support sheriff when dem suppose support Sen. Ahmed Makarfi faction.
Dem members say dem don decide say na Markafi faction dem go support for one meeting wey Ogor do, before court of appeal dem come announce Sheriff as the PDP Chairman.
On Monday, some members don come out for people make dem see dem say dem no dey for the caucus again.
One of the people dem, Mr. Adesegun Adekoya, talk am say many lawmakers for both Senate and House dey gidigba for sheriff back.
Adekoya, sef still come yarn say the caucus wey dem dey shout sef
no dey exist at all.
He add am say for all the states all of dem na for Sheriff, say politicians dem, dem go talk one thing for people front then when time to vote reach na another thing dem go dey yarn.
Ontop this matter wey Adekoya talk, Ogor react say some people just dey, dem own na to just cause trouble.
He talk am say the caucus don make dem decision already say na Markarfi go dey in charge for dem PDP affairs and dem stand with am ontop that one, say who be Sheriff sef, wey dem suppose push for one side.
You might also like
Rivers state Governor, Nyesom Wike had announced at a rally in Rivers state that the police authorities withdrew his security aide so he will be an easy target. According to reports,
The Federal Government is said to have moved to investigate the former president and his wife Dame Patience, over the allegations that they are sponsoring the activities of Niger Delta